Қылмыстық заңмен тыйым салынған әрекеттерді жасаған кәмелетке толмағандарға қолданылатын тәрбиелік ықпал етудің мәжбүрлеу шаралары: Қазақстан-Ресей тәжірибесін салыстырмалы зерттеу

Аңдатпа

Мақалада оқырмандар назарына қылмыстық заңмен тыйым салынған әрекеттерді жасаған кәмелетке толмағандарға қолданылатын тәрбиелік ықпал етудің мәжбүрлеу шаралары институтын құқықтық реттеу тұрғысынан Қазақстан-Ресей тәжірибесін салыстырмалы зерттеу нәтижелері ұсынылады. Қылмыстық заң нормаларын талдау және кеңестік және посткеңестік кезеңдегі жоғары сот инстанцияларының нақтылауларына сүйене отырып, мақалада сот ісін жүргізудің жүйелерін, негіздері мен шарттарын, тәртібі мен ережелерін жан-жақты сипаттау мен бағалай отырып, екі мемлекетте тәрбиелік мәжбүрлеу шараларын қолдану, олардың ортақ және ерекше белгілерін ашып, күшті және әлсіз жақтарын анықтайды. Зерттеудің мақсаттары зерттелетін бөлімдегі құқықтық нормалардың дамуын бағалау, сондай-ақ қылмыстық заңнамадағы тәрбиелік ықпал етудің мәжбүрлеу шаралары институтын сипаттаудың ең оңтайлы және тиімді моделін анықтау болды. Зерттеу нәтижесінде Қазақстан мен Ресейде кәмелетке толмағандарға қатысты қылмыстық-құқықтық негізді жетілдіруге бағытталған қорытынды ойлар қалыптастырылды.