Жануарлар құқығын қорғаудағы халықаралық тәжірибе

Аңдатпа

Осы мақаланың авторлары шет елдердің жануарлар құқығын қорғауға қатысты озық тәжірибелеріне талдау жасады. Бұл зерттеудің мақсаты-жануарлармен өзара әрекеттесуді реттеуді, жауапкершілікпен қарауды, жануарлардың құқықтарын қорғаудың заңнамалық шараларын және жануарлардың құқықтық қатынастар шеңберіндегі орналасуын зерттеу.

Осы мақсатқа жету үшін авторлар бір мақалада Еуропа мен Азияның жекелеген дамыған елдерінің заңнамасын, сондай-ақ Еуропалық Одақтың жалпы нормативтік-құқықтық базасын зерттеді. Жануарларды қорғау индексіне сәйкес, Еуропа елдерінде жануарлар құқығын қорғаудың ең жақсы шаралары кездеседі.

Қазақстан Республикасында фауналық заңнама бірінші кезекте жабайы жануарларды қауіп-қатерден қорғауға, олардың экожүйенің ажырамас бөлігі ретінде тұтастығын қамтамасыз етуге және биоәртүрлілікті сақтауға бағытталған. Өкінішке орай, жануарлардың барлық түрлерінің құқықтарын қорғау ерте сатысында және елдегі қазіргі қолайсыз жағдайды жақсартуға бағытталған жеке кешенді зерттеулерді қажет етеді.