Цифрлық дәуірдегі құмар ойындар және интернеттегі құмар ойындардағы қылмыстардың криминологиялық мәселелері

Аңдатпа

Қазақстанда цифрлық экономиканың белсенді дамуы және интернет-кеңістіктің кеңеюі жағдайында онлайн-құмар ойындар және онымен байланысты криминологиялық тәуекелдер проблемасы ерекше өзектілікке ие болады. Зерттеудің мақсаты онлайн-құмар ойындардың криминологиялық аспектілерін кешенді талдау, осы саладағы қылмыстардың негізгі түрлерін анықтау, сондай-ақ заңнаманы және алдын алу шараларын жетілдіру бойынша ұсыныстар әзірлеу болып табылады. Зерттеудің ғылыми жаңалығы – интернет-гемблинг саласындағы қылмыстарды қазіргі криминологиялық теориялар тұрғысынан қарастыру және Қазақстан Республикасының қолданыстағы заңнамасының тиімділігін халықаралық стандарттар негізінде бағалауда көрініс табады. Практикалық маңыздылығы – құмар ойындарды реттеу және қылмыстың алдын алу саласындағы мемлекеттік саясатты жетілдіруге қосқан үлесімен айқындалады. Зерттеу нәтижесінде онлайн-гемблингпен байланысты негізгі криминологиялық қауіптер: алаяқтық, ақша жылыстату және заңсыз кәсіпкерлік қызмет анықталды. Қазақстан Республикасының ойын бизнесі саласындағы қолданыстағы заңнамасы цифрлық платформалардың ерекшеліктерін жеткілікті ескермейтіні және оны халықаралық тәжірибені ескере отырып жетілдіру қажет екені анықталды. Жүргізілген зерттеу криминология ғылымының дамуына үлес қосып, цифрлық ортадағы қазіргі қылмыс түрлері туралы түсініктерді кеңейтеді. Жұмыстың қорытындылары құқық қорғау органдары мен қылмыспен күрес және ойын бизнесін реттеу саласындағы мемлекеттік басқару органдары үшін практикалық маңызға ие.