Қытай мен Қазақстан арасындағы трансшекаралық туризмді құқықтық реттеу: түйткілдер мен ой толғау

Аңдатпа

Қытайдың «Бір белдеу – бір жол» бастамасы мен Қазақстанның «Нұрлы жол» бағдарламасы аясында екі ел арасындағы ынтымақтастық қарқынды дамып, құқықтық жүйе де жетіле түсуде. Алайда осындай жағымды жағдайларға қарамастан, Қытай мен Қазақстан арасындағы трансшекаралық туризмнің дамуы баяу жүруде. Бұл мақалада Қытай мен Қазақстан арасындағы трансшекаралық туризм саласын және соған байланысты құқықтық жүйені қалыптастырудағы қиындықтар қарастырылып, олардың себептері нарықтық бағдар, халықаралық жағдай, географиялық ерекшеліктер мен жүзеге асыру тетіктері тұрғысынан талданады. Автор трансшекаралық туризмді құқықтық реттеудің жаңа парадигмасын қалыптастыруды ұсынады. Екі ел үкіметтеріне ұлттық деңгейде туризм саласындағы ынтымақтастық туралы құқықтық келісім немесе меморандум жасасу, сондай-ақ туристік бағыттарды бірлесіп жоспарлау мен ілгерілетуді жүзеге асыру ұсынылады. Сонымен қатар, мемлекеттік басқару жүйесі мен жеке бастаманы қолдау арқылы іске асырудың тиімді шаралары ұсынылады. Қытайдың жан-жақты ашықтық саясатын дәйекті жүргізуі аясында екі елдің туризм саласындағы құқықтық жүйелерін жетілдіруге мүмкіндік бар деген үміт бар.