Қылмыстарды тергеуді цифрландырудың құқықтық және теориялық негіздері
Қаралымдар: 172 / PDF жүктеулері: 105
DOI:
https://doi.org/10.32523/2616-6844-2023-145-4-73-82Кілт сөздер:
цифрландыру, тергеуді цифрландыру, қылмыстарды тергеу, қылмыстық процестегі инновациялар, қылмыстық процесс, киберкриминалистикаАңдатпа
Ақпараттық технологиялардың қарқынды дамуымен және қоғамның цифрландырылуымен қылмыстарды тергеуде, атап айтқанда қылмыстарды тергеуді цифрландыруға қатысты олардың құқықтық және теориялық негіздерін түсінуге көбірек көңіл бөлінеді. Бұл зерттеу осы тақырыпты қылмыстық сот ісін жүргізуде қолдануды қамтитын құқықтық және теориялық тұрғыдан терең зерттеуге арналған.
Ғылыми зерттеудің екі мақсаты бар: қылмыстарды тергеуді цифрландыру процесіне қолданыстағы заңнаманы және теориялық тәсілдерді бағалау, сондай-ақ проблемаларды анықтау және оларды шешу жолдарын ұсыну. Біздің жұмысымыздың негізгі бағыттары қылмыстық іс жүргізу және криминалистикалық қызметте цифрлық технологияларды пайдалануды реттейтін құқықтық нормаларды, сондай-ақ тергеудің теориялық модельдерін зерделеу болып табылады.
Жұмыстың ғылыми және практикалық маңыздылығы қылмыстарды тергеу мақсатында құқықтық нормалардың технологиялық мүмкіндіктермен өзара әрекеттесуін терең зерттеу болып табылады. Зерттеу әдістері ретінде заңнаманы талдау, ғылыми әдебиеттерге шолу және тәжірибеден алынған нақты мысалдар, сондай-ақ сарапшылармен сұхбат қолданылды.
Жұмыстың негізгі нәтижелері қылмыстарды тергеуді цифрландыру тек технологиялық инновацияларды ғана емес, сонымен қатар тиісті құқықтық реттеуді, сондай-ақ әдістер мен тәсілдердің теориялық негіздемесін қажет ететіндігін көрсетеді. Сонымен қатар, осы саладағы құқықтық негіздер мен теориялық тұжырымдамаларды одан әрі дамытуға қатысты қорытындылар жасалды.
