Қазақстандағы туризмді дамытудың ұлттық және халықаралық өлшемдегі құқықтық негіздері
Қаралымдар: 8 / PDF жүктеулері: 10
DOI:
https://doi.org/10.32523/2616-6844-2025-150-1-61-76Кілт сөздер:
туризм, туризмнің құқықтық реттелуі, халықаралық стандарттар, ұлттық заңнама, туризмді дамыту, туристердің құқықтарын қорғау, туризм саласыАңдатпа
Қазақстанның ұлттық және халықаралық деңгейдегі туризмді құқықтық реттеу мәселелері мақалада жан-жақты қарастырылады. Туризм саласының стратегиялық маңызы оның ел экономикасының өсуіне қосатын үлесімен, жаһандық интеграция жағдайындағы дамуының өзектілігімен және құқықтық базаны жетілдіру қажеттілігімен тығыз байланысты. Бұл тұрғыда Қазақстан Республикасының Конституциясы, «Қазақстан Республикасындағы туристік қызмет туралы» Заңы және өзге де нормативтік-құқықтық актілердің нормалары талданады.
Зерттеуде туристік қызметті құқықтық реттеудегі негізгі проблемалар көрсетіледі, соның ішінде құқықтық нормалардың бірізді болмауы, халықаралық стандарттардың жеткіліксіз имплементациясы және заңнаманы қолдану тәжірибесіндегі сәйкессіздіктер ерекше атап өтіледі. Туристердің құқықтарын қорғау, онлайн-туризмді реттеу және қонақүйлерді стандарттау жүйесінің жетілмегендігі де өзекті мәселелер қатарында қарастырылады.
Сонымен қатар, мемлекеттік саясаттың инфрақұрылымды дамытуға, саланың бәсекеге қабілеттілігін арттыруға және заңнаманы халықаралық стандарттарға сәйкестендіруге бағытталған негізгі бағыттары айқындалады. Туризмді реттеудің нарықтық, мемлекеттік және аралас модельдері салыстырмалы талдаудан өтеді.
Авторлар саланы құқықтық тұрғыдан дамыту үшін заңнаманы кешенді жаңғырту, ұлттық нормаларды халықаралық талаптармен үйлестіру және инвестициялық ортаны жақсарту қажеттігін негіздейді. Бұл зерттеу Қазақстандағы туризм саласының құқықтық базасын жетілдіруге және оны халықаралық тәжірибеге сәйкестендіруге бағытталған нақты ұсыныстар әзірлеуге ықпал етеді.
